Tʋ "bo 'a wlu
29
Dafi 'a 'dʋ.
Kea 'a "sʋɩ, ao 'bɛɛ‑ Kea 'a 'nynɩ "i,
ao 'bɛɛ‑ Tʋ "bo 'a 'beɔ nɩa' ke ɛɛ' "ikmaa' "i.
2 Ka ɛɛ' 'nynɩ 'bɛai'' ao 'tmʋɛ nyʋ ‑wee'‑ 'jeɛ 'wɔn.
Ao ‑gbɛɛ'‑ Tʋ "bo 'de ɛɛ' 'nynɩ ‑kweai 'a ‑tɩ' 'ʋn.
3 Kea 'a wlu ‑siiɛ "ni klae" "jrui,
Tʋ "bo 'a 'beɔ nɩa' a "plaan "ni.
Ɛ ‑siiɛ "ni klae" klae" wɔn.
4 Tʋ "bo 'a wlu kmai",
Tʋ "bo 'a wlu nɩɛ ciaan"‑ "kpei.
5 Tʋ "bo 'a wlu a cɛn 'Sɛtrɩ,
ɛɛ cɛn 'Sɛtrɩ ‑tu ‑nɩa 'de Diban.
6 Ɛɛ nʋɛ' ɩa jea ‑plin" ka bli' ‑tɔe ‑nɩa 'de Diban nɩa.
Ɛɛ nʋɛ' Ɛɛmɔ ɔ jea plin" ka ‑ti ‑tɔe nɩa.
7 Tʋ "bo 'a wlu a ‑gba' nɛ.
8 Tʋ "bo 'a wlu a ‑suua' ‑pɩɔn" 'blʋa i.
Ɛɛ ‑suua' ‑pɩɔn" 'blʋa ‑nɩa 'de Kadɛsɩ i.
9 Tʋ "bo 'a wlu a nʋɛ'
kwɛ ɛ jea ‑gbaan' 'de ɛɛ' ‑cɛ" ti "i,
ti a jea crɛ, ɩa' wɩn a 'jea 'wla.
'De ɛɛ' Tʋ''bo ‑gbu 'di ɩ ‑wee'‑ 'na Tʋ "bo 'a 'nynɩ "bɛi.
10 Tʋ "bo nɩɛ 'de ɛɛ' Tʋ "bo kpatɛ‑ "kpei
‑sɔugba‑ klaa" 'a dba nɔ", Tʋ "bo nɩɛ 'de ɛɛ' Tʋ "bo kpa‑tɛ "kpei
'de nɔ" ''oo nɔ" ‑wee'‑ 'di.
11 Tʋ "bo a muɛ ɛɛ' 'cɛ "ikmaa' "nyɩa,
Ɛɛ muɛ ɛɛ' 'cɛ "diwan‑ poa',
‑wɛe ɛ 'je ʋʋ pɛe 'a blua' "nyɩ.